Та бүхэндээ оросын цэргийн хамгийн сүүлийн үеийн мэдээллээс хуваалцахаар шийдлээ. 2017 оны 6 дугаар сарын 30-нд ОХУ-ын "МИСИС" шинжлэх ухаан, технологийн үндэсний их сургуульд дээр зохион байгуулагдсан шинэ технологийн үзэсгэлэнгийн үеэр орос цэргүүд ирээдүйд тулааны талбарт өмсөх байлдааны өмсгөлийн ерөнхий загварыг олон нийтэд дэлгэн үзүүлжээ.
Ерөнхий харагдах байдал нь "Оддын дайн"-нд гардаг цэргүүдтэй төстэй уг өмсгөлийг "Центральный научно-исследовательский институт машиностроения" компанийн инженерүүд бүтээж байгаа юм байна. Байлдааны өмсгөл нь тулааны явцад хүний хүчин чадлыг хэд дахин нэмэгдүүлэх зорилготой арга ясан хүчжүүлэгчтэй бүтээгдэнэ. Энэ өмсгөлийг байлдааны зэвсэг, техник бүтээдэг оросын бусад компаниудтай хамтарч байгаа учраас 2 жилийн дараа бүрэн өмсгөл бэлэн болох гэнэ.
Р.ЭНХБОЛД / ДЭД ХУРАНДАА /