Хус нь 5 сарын эхнээс дунд хүртэл хугацаанд өөрийн бүтэн жилийн идэш тэжээлийг нөөцөлдөг байна. Гэтэл энэ хугацаанд хусны шүүсийг эрүүл мэндэд тустай хэмээн цоолж авдаг болсон хүмүүс олширчээ. Ийнхүү хурааж хуримтлуулж авсан шүүсийг нь цоолж аваад, бөглөхгүй орхисноор тухайн мод үхдэг байна. Тиймээс хусны шүүсийг авсан бол заавал цоргыг бөглөж, будгаар будаж орхих хэрэгтэй юм.
Хусны шүүс нь цинк /С эмин дэмийн дутмагшил/ -ийн эсрэг, шээс хөөх зэрэг үйлчилгээтэй гэж амаас ам дамжиж яригдаж иржээ. Мөн үе мөчний өвчин, хаван, хатигшилт, хоолойн ангин, уушгины багтраа зэрэг өвчнүүдийн үед ууж хэрэглэдэг байна.
Гэтэл тэр шүүс нь илүүдэл шингэн огтоос биш бөгөөд энэ модны “цус” нь юм. Таны цусыг юүлж авчихаад эрүүл амьдар, ажлаа эрч хүчтэй хий гэвэл яах бол? Зөвхөн утсан чинээ улаан амиа бодож хийсэн үйлдэл бүхэн НҮГЭЛ билээ.
Б.ХУЛАН
