Нидерландын эмэгтэй баг наймдахь удаагаа хокейн дэлхийн аварга болж дээд амжилт тогтоолоо. Тэд энэ жилийн ДАШТ – д гайхалтай тоглолт үзүүлж байсан Ирландын багийг 6:0-ээр бут ниргэжээ. Их завсарлага болохоос өмнө долоон минутын дотор дөрвөн гоол оруулсан нь тэдний гайхалтай хожлын гол шалтгаан болжээ.
Ирландыг финалд үлдэнэ гэж таамагласан хүн цөөхөн. Тэд энэ удаагийн ДАШТ – ээр олон ч хөгжөөн дэмжигчидтэй болсон билээ. Гэсэн ч финалд Нидерландын багийн эсрэг хүчтэй өрсөлдөөн үзүүлж чадсангүй. Гэсэн ч Ирландын баг финалд үлдсэн учраас түүхэндээ анх удаагаа дэлхийн чансааны эхний 10 байранд багтах боломжтой болж байгаа юм.
Д.НЯМАА
