Их британий Милтон Кейнс хотын орчимд жолоочгүй машиныг анх удаа туршиж үзлээ. 2020 онд зах зээлд нэвтрүүлэхээр төлөвлөж буй уг машиныг 2025 он хүртэл олон удаа давтаж үзэх хэрэгтэй хэмээн албаныхан дүгнэсэн байна. Туршилтын үеэр хотын захиргааны албаныхан, хэвлэлийнхэн, жолоочийн хамтаар уг машинд сууж 8км-ийн хурдтай 1км зайг туулжээ.
Уг машин нь өөрийгөө удирдан залахдаа камер болон “LIDAR” системээс мэдээлэл хүлээн авдаг аж. Аюулгүй байдлыг хангах хянагч нь онцгой тохиолдолд машиныг автомат жолоодлогын горимоос салгах үүрэгтэй юм. Энэхүү машиныг Оксфордын их сургуулийн Роботын хүрээлэн болон тус сургуулийн дэргэдэх “Oxbotica” компани зохион бүтээж, “Selenium” гэж нэрлэжээ.
О.НАНСАЛМАА
