Гадил жимсийг өглөөний цайнд уувал бодисын солилцооны үйл ажиллагааг эрчимжүүлж, арьсыг толигор сайхан болгодог. Харин оройн хоолонд зоогловол мөөгөнцөр үүсгэх шалтгаан болж, хоол шингэхэд саад болно.
Цусан дахь сахар, өөх тосны хэмжээг бууруулдаг пектин хэмээх бодис алиманд агуулагддаг. Гэвч оройн цагаар пектинийг шингээхэд хүнд бөгөөд ходоодны хүчлийг ихэсгэдэг гэмтэй.
Эрдсээр баялаг хүнс. Өглөөний цайнд идвэл төмсний цардуул цусан дахь өөх тосны хэмжээг бууруулна. Харин орой идвэл калори ихтэй тул жин нэмдэг.
Бүлээн сүү унтахын өмнө балгыг уувал сайн амарна. Гэвч өглөө сүү уусны дараа идэвхтэй дасгал хөдөлгөөн хийхгүй бол шингэхгүй. Гэдэс дүүргэж, цусан дахь сахарын хэмжээг нэмэгдүүлнэ. Мөн харшилтай болох эрсдэл өндөр.
Самрыг өглөө идвэл цусны даралт ихсэхээс хамгаална. Харин орой идвэл жин нэмнэ.
Хоолны дундуур жүрж идвэл бодисын солилцоог сайжруулах болно. Гэвч орой идсэн жүрж хоол гэхээсээ хор болж, ходоодыг цочроон, салст бүрхэвчийн үрэвсэлд хүргэх эрсдэлтэй.
Өглөөний цагаар улаан лооль идвэл хоолны шингэцийг сайжруулж, бодисын солилцоог эрчимжүүлнэ. Хэрэв орой идвэл гэдэс хий дүүргэдэг.
Өдрийн цагаар хүний бодисын солилцоо эрчимтэй явагдаж байдаг. Энэ үеэр цагаан будаа идвэл түүнд агуулагдах нүүрс усыг ашиглах боломжтой. Гэвч орой идвэл илүүдэл жинтэй болно.
Шоколаданд агуулагдах антиоксидант залуужуулж, зүрх судасны өвчнөөс хамгаалах шидтэй. Гэхдээ зөвхөн өглөөний цагаар гэдгийг санаарай. Хоолны дундуур амны зугаа болгож идвэл илүүдэл жинд хөтлөх магадлалтай.
Чангаанзыг өглөө идвэл бодисын солилцоог сайжруулж, хоол шингээх үйл явцад ходоодыг бэлтгэдэг. Оройн цагаар үйлчилгээ нь эсрэгээрээ болж, гэдэс хий дүүргэх, хоол шингээлтийг саармагжуулна.
Өглөөний цайнд бяслаг идвэл таргалалт, өөхлөлтөөс сэргийлэх боломжтой.Оройн хоолонд зоогловол шингээхэд хүндрэлтэй тул өөхлөлтийг нэмэгдүүлнэ.
Д.БУЯНЖАРГАЛ
