Бүсгүйчүүд гоё сайхан харагдах сэтгэл өөдрөг байхын тулд үсэндээ их анхаарал тавьдаг. Үсээ дутуу угааснаас болж үсний уг буюу хуйханд бохирдлууд цугларч, хагтах мөн тослогтох нь хурдан байдаг. Хэтэрхий ойрхон давтамжаар шампуниар угаах нь үсний өөрийнх нь байх ёстой тослогийг үгүй хийчихдэг.
Янз бүрийн хэлбэржүүлэгч болон бусад бүтээгдэхүүн нь өөртөө их хэмжээний тос агуулж байдаг учраас үс тослогтох нэгэн том шалтгаан болж өгдөг. Өдөр бүр үсээ индүүдэх, ороох нь үс хатаж, хугарах үндэс болохоос гадна бохирдол нь шороо тосыг өөртөө татаж, тослогтохдоо хялбар болдог байна. Мөн хэтэрхий их өөх хоолондоо хэрэглэдэг бол тос ялгаруулах үүрэгтэй булчирхай, эд эсүүд цочрон их хэмжээний тосыг, ойр ойрхон ялгаруулаад байдаг.
Тиймээс өөрийнхөө төрөлх үсэнд хайртай байхаас гадна цахилгаан хэрэглэлгүй ороох, химийн будаг бага хэрэглэх, хэт халуун усаар угаахаас зайлсхийж байгаарай.
Д.БУЯНЖАРГАЛ