Ирак болон Сири Улсад үүрлэсэн "Исламын улс" террорист байгууллагатай АНУ, Англи улсын тусгай хүчний цэргүүд тулалдаж байгаа билээ. Тэгвэл өчигдөр буюу 2017 оны 5 дугаар сарын 20-ны өдөр Норвегийн тусгай хүчний цэргүүд ирак дахь америкийн чөлөөт сирийн армийн баазаас Сирийн нутаг руу нэвтрэн орж америк, английн цэргүүдтэй нийллээ. Ирак болон Сири Улсад явагдаж буй байлдааны ажиллагаанд талууд хамгийн сүүлийн үеийн "дрон", нисгэгчгүй аппаратууд болон тэдгээрийг сайжруулсан, өөрчилсөн загваруудыг өргөнөөр ашиглаж байгаа. Тийм учраас америкийн цэргүүд эдгээр террористуудтай тэмцэхэд зориулан шинэ төрлийн "дрон"-н пуужин бүтээж ашиглах шаардлага зүй ёсоор урган гарч байгаа билээ.
Өнгөрсөн онд АНУ-ын Тусгай хүчний командлалаас Иракт байлдаж буй өөрийн цэргүүддээ зориулан "Жижиг овортой агаарын пуужингийн систем" захиалж байв. Тэгвэл саяхан Америкийн тусгай хүчний цэргүүд 350 нэгж амиа золиослогч "дрон" хүлээн авч байлдааны ажиллагаанд ашиглаж эхэлсэн мэдээ байна. Эдгээр үхлийн аюултай "дрон" хэлбэртэй пуужингууд нь камер болон "бай"-г онилох зориулалттай сансрын байрлал тогтоогчоор тоноглогдсон. Гранатомёт хэлбэртэй буугаар буудаж хөөргөх зориулалттай эдгээр "дрон"-ууд нь нэгэнт агаарт хөөрсөн үедээ цагт 160 км/цагийн хурдтайгаар 15 минутын туршид нисэж дайсныг өндөр нарийвчлалтай устгах боломжтой ажээ.
Р.ЭНХБОЛД
