ӨМНӨД СОЛОНГОСЧУУД ДОЛОО ХОНОГТ 68 ЦАГ БИШ 52 ЦАГ АЖИЛЛАНА

БНХАУ-ын эрх баригчид гадаадын 90 гаруй улс оронд орогнож байсан 2566 авилгачийг эх оронд нь буцаан авчирсан байна. Ингэхдээ тэдний авч гарахаар завдаж байсан 8,6 тэрбум юанийг хураан авчээ.

Бэлгийн хүчирхийлэлтэй холбоотой дуулиан шуугианд холбогдсон нэрт продюсер Харви Вайнштейны гэрийнхээ халаадтайгаа орон дээр сууж байгаагаар дүрсэлсэн хөшөөг Оскарын шагнал гардуулах ёслол болохоос хэдхэн өдрийн өмнө Холливудад босгосон байна. Уг хөшөөг алтан бүрмэл өнгөөр буджээ.

АНУ-ын Жоржиа муж улсын дунд сургуульд нэгэн багш гал нээсэн байна. Үүний улмаас хүн бэртэж гэмтээгүй бөгөөд сурагчид аюулгүй байдалд байна. Сэжигтнийг баривчлан саатуулаад байгаа бөгөөд тус сургуулийг түр хугацаанд хаасан тухай орон нутгийн цагдаагийн газар мэдэгдсэн байна.

Татварын газрын зүгээс буруутгаж байгаа асуудлаа зохицуулан дуучин эмэгтэй Шакира Испанийн засаг захиргаанд 20 гаруй сая еврогийн татварын нөхөн төлөлт хийсэн тухай "El Pais" сонинд бичсэн байна. Уг сонинд мэдээлснээр, энэ төлбөр нь зөвхөн Каталонийн татварын албаны нэхэмжлэлд хамаатай юм байна.

Германы хотуудын захиргаа агаарын бохирдолтой тэмцэх зорилгоор дизель хөдөлгүүртэй автомашинд хориг тавихыг Холбооны шүүх зөвшөөрлөө.

ОХУ-ын нөөц дэх алтны хэмжээ 18 хувиар өссөн нь түүхэн дээд амжилт болж байна. 2018 оны нэгдүгээр сард ОХУ-ын Засгийн газар бараг 19 тонн алт худалдан авсан байна.

Ирэх сарын 7-нд Өмнөд Солонгосын Пёнчан хотод эхлэх өвлийн паралимпийн наадамд Умард Солонгос тамирчдадаа оролцуулахаар болжээ.

Израилийн засгийн газраас Африкийн иргэдийг ирэх дөрөвдүгээр сарын 1-ээс өмнө тус улсыг орхин гарахыг шаардсан байна. Хэрэв Африкийн иргэд сайн дураараа Израиль улсаас явсан тохиолдолд нисэх онгоцны тасалбар дээр 3500 ам.долларын бэлэн мөнгө өгөхөөр амлажээ.

Энэ өвөл Москва хотод хиймэл болон байгалийн мөсөөр хийсэн мөсөн гулгуурын 1400 талбай ажиллаж байгаа юм байна. Мөн 735 километр урь цанын замыг шинээр тавьжээ.

МЕКСИКТ ХҮЧТЭЙ ГАЗАР ХӨДӨЛЖЭЭ

ВАЛЕРИЙ ЗОРЬКИН ОРОСЫН ҮНДСЭН ХУУЛИЙН ШҮҮХИЙН ЕРӨНХИЙЛӨГЧӨӨР ЗУРГАА ДАХЬ УДААГАА ТОМИЛОГДОВ

ОХУ-д оршин суудаг үндэстнүүдийн хүүхдийн уран зохиолын цуглуулга хэвлэгдэн гарсан байна. Энэ цуглуулгад 201 зохиолчийн 870 гаруй бүтээл багтжээ. Эдгээр бүтээлийг 55 хэлнээс орос хэлрүү орчуулжээ. Уран зохиолыг дэмжих хорооны ээлжит хуралдааны үеэр номын дээжийг гардуулсан байна.

Тайваньд болсон газар хөдлөлтийн улмаас хүнд гэмтэл авч, улмаар нас барсан иргэдийн тоо нэмэгдсэн байна. Хамгийн сүүлийн мэдээгээр 10 хүн нас барж, 267 хүн гэмтэж бэртжээ. Үүнээс гадна 58 хүн сураггүй алга болж, эрэн хайх ажиллагаа явагдсаар байгааг тус улсын хэвлэл мэдээллийн агентлагууд мэдээллэсээр байна.

“Пёнчан 2018” өвлийн олимпийн XXIII наадмын нээлт өнөөдөр Улаанбаатарын цагаар 19.00 цагаас олимпийн цэнгэлдэх хүрээлэнд эхэлэх юм. Өнөөдрөөс эхлэн 17 хоногийн турш 92 орны 2925 тамирчин спортын 15 төрөлд 102 багц алтан медалийн төлөө өрсөлдөнө. Энэ нь “Ванкувер 2010”-д 82 орны 2633, “Сочи 2014” наадмын 88 орны 2858 тамирчин оролцсон амжилтыг ахиулсан үзүүлэлт юм байна.

Хойд Солонгосын Пхеньян хотод өнөөдөр өглөө цэргийн ёслолын парад эхэлсэн байна. Хойд Солонгосын үндэсний телевизээр цэргийн парадын тухай өглөөнөөс хойш огт мэдээлээгүй, үзүүлээгүй боловч Пхеньян дахь Ким Ир Сений талбайд парад өглөөний 10.30 цагт эхэлсэн байна.

БНСУ-ын Пёнчан хотноо зохиогдож буй Өвлийн олимпын наадам өнөөдөр ОХУ, АНУ-ын хоорондох холимог кёрлингийн тэмцээнээр эхэлсэн байна.

“Пёнчан-2018” өвлийн олимпийн наадам эхлэхэд 2 хоног үлдлээ. Тэгвэл хүн төрөлхтний эв найрамдлын бэлгэ тэмдэг болсон спортын их наадам аль хэдийнэ эхний рекордоо тогтоогоод эхэлсэн байна. Юуны түрүүнд бэлгэвчний тоогоор өвлийн олимпийн наадмууд дунд шинэ дээд амжилт тогтоожээ. Наадмыг зохион байгуулагчид нийт 110,000 бэлгэвч тараахаар төлөвлөсөн байна. Энэ нь “Ванкувер-2010”, “Сочи-2014” өвлийн олимпийн наадмуудтай харьцуулахад 10,000-аар их үзүүлэлт юм.

Өмнөд Солонгосын Пёнчан хот өвлийн олимпийн XXIII наадмыг зохион байгуулахад бэлэн болсон байна гэж Олон улсын олимпийн хорооны ерөнхийлөгч Томас Бах мэдэгдлээ.Тэрээр Пёнчан хот өвлийн олимпийн наадмыг зохион байгуулах бэлтгэлийг бүрэн хангасан, Дэлхийн өвлийн спортын шилдэг тамирчид энд бүх хүчээ дайчлан өрсөлдөх л үлдсэн байна” гэжээ.

Тайвань дахь хүчтэй газар хөдлөлт үргэлжилсээр байна. 12 цагийн үед дахин 5.7 магнитудын хүчтэй газар хөдөлжээ. Газар хөтлөлтийн улмаас улс орнууд Тайваниас иргэдээ татах арга хэмжээ авч эхэлсэн байна.