ТЕЛЕГРАФ сонинд ийм нийтлэл гарсныг Шарапова үгүйсгэлээ. Түүнд холбогдох байгууллагуудаас маш их захидал, албан бичиг ирдэг. Түүнээс допингийн тухай олж үзэх нь маш хүндрэлтэй. Надад таван удаа сануулсан захидал огт ирээгүй. Би холбогдох газраас ирүүлсэн зузаан, зуу зуун хуудас материалыг нарийвчлан үзэх боломжгүй. Ирүүлсэн захидалд, допингийн тухай дурдсан үг үсэг байгаагүй. Зуу зуун хуудас зузаан хавтаст материалд ч допинг гэсэн үг харагдаагүй. Би гэмтэл бэртэл аваагүй. Мельдонияг эмчийн заавраар л хэрэглэж байсан. Намайг дэмжиж байгаа шүтэн бишрэгчид, дэмжигчиддээ талархал илэрхийлье. Тенниснийхээ зүлгэн дээр гарах боломжийг минь хориглохгүй гэж найдаж байна гэж Телеграф сонины нийтлэлд хариу өгсөн байна.
Э.ЦЭНД