Өнгөрсөн башёгоос ийм ярианы эхлэл тавигдсан. Энэ удаа озеки Кисеносато энэ үгийг нь баталгаажуулахаар давшиж байна. Тэр ганцаараа 9 даваа, нэг ч уналгүйгээр башёг тэргүүлж эхэлсэн. Монголын аварга, арслангууд бүгд 1-2 унаатай байгаа нь түүнд энэ удаагийн башёд түрүүлэх сайхан боломж олгож байна. Хажуугаар нь озеки Гоёдо, Котогошику нарын бэлтгэл ханасан байгаа нь түүнд дэм болох боломжтой гэж шинжээчид дүгнэж байна. Тэдний хэлж байгаагаар, бэлтгэл нь тааруухан байгаа монголын аварга, арслангуудыг энэ хоёр озеки ч учраа таарахдаа ялах магадлалтай гэж бичиж байна. Гэхдээ хамгийн гол нь, тэдэнтэй, тэрэнгүй озеки Кисеносатог өнөөдөр хэн ч тогтоохгүй хүчтэй байгааг олноороо тэмдэглэж байна. Аваргууд сөрж чадах уу, Кисенасато түрүүлж, Япончуудыг дахин баярлуулах уу, гэдгийн гэрч болоход ердөө л 6 барилдаан л үлдлээ.
Э.ЦЭНД