Сүүлийн 3 башё дараалан түрүүлж чадаагүй, энэ башёгийн эхэнд бүдэрсэн түүнийг харьжээ гэж үзэх мэргэжилтнүүд гарч ирсэн. Ялангуяа озеки Кисенесато, Котошогику, Гоёдо нар нэг ч унаагүйгээр башёг хошуучилж эхэлсэн нь ингэж бодоход хүргэсэн байх талтай. Гэвч сүүлийн 2 барилдаанд тэргүүлж явсан, тэргүүлэгчдийн эгнээнд жагсаж байсан озеки Кисеносато, Гоёдо нарыг их аварга Хакухо дараалан өвдөг шороодуулснаар башёг ганцаараа өнгөлж эхэллээ. Одоо түүнтэй өрсөлдөх сумочин энэ башёд магадлалын хувьд байхгүй боллоо. Монголын сумочдын ноёрхол дуусах болоогүй гэдэг дохиог тэр өглөө. Түүнээс гадна дараалан гурав түрүүлээгүй "хар рекордоо" тасаллаа гэж дүгнэх цаг ойртлоо.
Д.ЦЭНД