Нийт 36 давж, нийт үзүүлэлтээрээ 6 жил аваргалсан Даваажаргал улсын наадамд 6 удаа түрүүлсэн аавынхаа амжилтад хүрлээ гэж японы хэвлэлд бичиж байна. Аавынхаа амжилтыг давтаж, гурван башёгийн дараа дахин түрүүлж баярын нулимс дүүрэн зогсох Даваажаргал аваргыг NHK телевизэд уламжлалт ярилцлага өгөх үеэр түүний яриаг заалнаас хэд хэдэн удаа тасаллууллаа.
Аварга шиг барилдаач, юундаа айсан юм бэ?, хулчгар, зайл гэх хатуу үгийг заалнаас шидсэн нь их аваргыг үгээ таслахад ч хүргэлээ. Мэдээж Кисенесатогийн дэмжигчид бухимдахдаа ингэж орилж, давшилсныг ойлгож болно. Монголчуудын бүтэн 10 жилийн ноёрхол ийнхүү дургүйцэл төрүүлэх үндэс болсныг ч үгүйсгэхгүй. Ямар байсан, цааш цаашдаа японы хөгжөөн дэмжигчдийн хайртай аварга биш болсныг хамтдаа мэдэрлээ.
Япончууд нэг ч гэсэн их аваргатай болохыг мөрөөдөж байна. Тиймээс ч монголчуудад дарагдаад байгаа Кисенесатогийн сүүлийн 26 башёгийн нийлбэр үзүүлэлтээр түүнийг Ёкузана болгох боломжтой гэдэг саналыг хэлэлцэж эхэлсэн байна. Ирэх башёд түрүүлэхгүй ч, 10-аас дээш давбал Кисенесато аварга их аварга цол хүртэх үүдийг нээх болжээ.
Э.ЦЭНД
