Олимпод оролцох Монголын тамирчдын тоо нэмэгдсээр 17-д хүрлээ. Энэ тоог 34 хүргэх боломжтой гэж спортын мэргэжилтнүүд хэлж байна. Саяхан 4 эрх халаасалсан боксынхон дахин 3 эрх нэмж авах тухайгаа ч нуухгүй байна. Ирэх зургадугаар сард Азербайжанд эрх олгох сүүлчийн тэмцээн болох юм байна. Тэндээс эрчүүд дахин хоёр эрх авахыг зорьж байгаа. Харин Казахстанд болох эмэгтэйчүүдийн дэлхийн аваргаас 1 эрх хүлээж байна гэж Монголын боксын холбооны е/н/б-ийн дарга Ц.Батнасан хэллээ. Ажнай корпорацийн ерөнхийлөгч, УИХ-ын гишүүн Д.Бат-Эрдэнээр удирдуулсан Монголын боксчид Риогийн Олимпийн медалийн тавцанд олуулаа зогсохыг үгүйсгэхгүй байна. Хамгийн гол зүйлээ хийлээ. Энэ бол Олимпод оролцох эрхээ халаасаллаа, тэд.
Э.ОТГОНЖАРГАЛ