Сумо дахь Монголчуудын ялалт нь япончуудын хувьд "үндэстний гамшиг" болж хувирлаа гэж Японы Киодо сонинд бичжээ. Япончууд сүүлийн 10 гаруй жил хүсэн хүлээсэн ёкузанатай болж чадаагүй нь тэднийг бухимдахад хүргэжээ.
Монголчуудын бүтэн 10 жилийн ноёрхлыг тэсвэрлэсэн тэднийг озеки Котогошику сэрээсэн байна. Монголчуудын 10 жилийн ноёрхлыг таслан зогсоосноороо Котогошику үндэсний баатар болох шахсан. Тэр бусад япон сумочиддооурам зориг өгсөн төдийгүй, хөгжөөн дэмжигчдээ ч хурцалсан. Киодо сонинд бичсэнээр, Монголын 25 сумоч дийлдэхгүй гэнэ. Одоогийн аваргууд харьсан ч, залгаж гарах Теренофужи, Ичиножи нарыг тэдний орыг залгах бөхчүүд гэж зарлажээ.
Гэтэл найдвар, итгэл хүлээлгэсэн Кисеносато, Котошогику нарын нас явчих гээд байдаг нь японы сумогийн ертөнцийнхний санааг ихээр зовоох болжээ. "Орон орны бөхчүүд сумогоор барилдах болсон нь сайн байна. Дэлхийн өнцөг булан бүрт сумог мэддэг болж байгаад баярладаг. Би япон хүн. Тиймээс япон хүнийг ёкузана болсон байхыг тэвчин ядан хүлээж байна. Харамсалтай нь, ойрын жилүүдэд миний мөрөөдөл биелэхгүй бололтой" гэж 71 настай Фумио Тамуро сонинд горьдлого тасарсан ярилцлага өгчээ.
"Дэвжээн дээр дэндүү олон монголын сумочид барилдаж байна. Дараагийн аварга нь бас л Монгол бөх байх болно. Энэ буухиаг япончуудаас хэн нь тасалж чадах вэ? Энэ л бидний хувьд " үндэсний зовлон" болж байна" гэж сумо сонирхогч, бүжиг дэглээч, 39 настай Изуми Кондо Ройтерс хэвлэлийн агентлагт ярилцлага өгөхдөө тодотгожээ.
Даваажаргалд дургүйдээ биш, япон ёкузанаг төрүүлэх боломж олгохгүй байгаад, тэд ихээр бачимдаж, бухимдаж байна. Япончуудыг тайвшруулбал ямар вэ? Хоёр башёг нь "өгчихвөл" яасан юм бэ? Япон ёкузана төрөг. Ард иргэд нь тайвшраг дээ. Дараа нь дахиад л түрүүлж болно шүү дээ. Ямар үндэсний бөхтэй адил, жилдээ ганц барилдах биш.
Д.САНЖААДАМБА