БНХАУ-ын Чэндү хотод болсон хөнгөн атлетикийн “Чэндү” марафон гүйлтийн олон улсын тэмцээнд “Алдар” спорт хороо, Үндэсний биеийн тамирын дээд сургуулийн тамирчин ОУХМ Б.Мөнхзаяа алтан медаль хүртлээ. 42 км-ын зайд болсон тус уралдаанд 30 мянга гаруй сонирхогч, мэргэжлийн 100 гаруй тамирчин өрсөлдсөнөөс Б.Мөнхзаяа 2:36:50 цагийн амжилт үзүүлж тэмцээнийг хошуучилжээ.
Тэрээр өнгөрсөн жил урд хөршид болсон олон улсын марафонд түрүүлж, “Рио-2016” олимпийн наадамд оролцох эрхээ аваад байсан юм.
А.САЯН
