Монголын тамирчид одоогийн байдлаар "Рио-2016" зуны Олимпийн XXXI наадмын 21 эрх аваад байна. Тухайлбал :
Чөлөөт бөхийн 9
Бокс, Марафоны тус бүр 4
Буудлагын 3
Байт харвааны 1 тамирчин Риог зорих нь тодорхой болоод байгаа билээ. Удахгүй жүдо бөхийн Олимпийн эрхийн оноо олгох цуврал тэмцээнүүд өндөрлөх бол чөлөөтийнхөн Улаанбаатарт, боксынхон Азербайжанд сүүлчийн дайралтаа хийнэ.
Түүнчлэн усанд сэлэлт, байт харваа, хүндийн өргөлтийнхэн эрх нэмж авах өндөр магадлалтай байгаа бол таэквондо, дугуйн тамирчид үзээд алдана.
Өөрөөр хэлбэл Монголын баг 40 эрх авч, олимпийн эрх олгодог цагаас хойших хамгийн өндөр амжилтаа үзүүлэх боломж бий.
Монголчууд "Бээжин-2008", "Лондон-2012"-ыг тус бүр 29 тамирчинтай зорьж байсан билээ.
Л. ГАНТУЯА
