Олон улсын хөлбөмбөгийн холбоог сүүлийн 20 жил удирдсан Ж.Блаттер шинэ номынхоо нээлтийг өчигдөр Швейцарийн Цюрих хотод хийлээ.
Дурсамж дүүрэн уг номондоо хөлбөмбөг ойлгодог дэлхийн 10 том удирдагчийг нэрлэсэн нь Sky sport-ийн анхааралд өртжээ. Хятад улсын дарга Си Жин Пин тэргүүлж, Өмнөд Африкийн Бүгд Найрамдах Улсын ерөнхийлөгч Нельсон Мондела удаалж, гуравт Римийн пап Франциско, дөрөвт Оросын ерөнхийлөгч В.Путин, тавд Английн хатан хаан Елизавета-2 оржээ.
"Хөлбөмбөгийн зорилго" нэртэй уг номыг хоёрдугаар сард хэвлэх төлөвлөгөөтэй байсан ч үүссэн цаг үеийн асуудлаас болж хойшлуулсан байна. Яагаад Олон улсын хөлбөмбөгийн холбооны ерөнхийлөгчийн ажлаа өгөх болов? гэсэн бүлгийг нэмэх шаардлага үүссэн гэж хэвлэлийн компани тодрууллаа.
Удахгүй энэ номын англи хувилбарыг бэлтгэж, дэлхий нийтэд хүртээмжтэй болгох юм байна.
Э.ЦЭНД
