Манай улсад олимпийн эрхийн оноо олгох чөлөөт бөхийн “The first last chance” тэмцээн хоёр дахь өдрөө үргэлжилж байна.
Өнөөдөр эмэгтэйчүүдийн 48,53,58,63,69,75кг тойргийн болон дагах барилдаанууд явагдаж, орой 18:00-20:00 цагт шигшээ барилдаан, медаль гардуулах ёслол болно. Дөнгөж сая МУГТ О.Бурмаа эхний хожлоо аваад байна. Яг одоо ОУХМ Ц.Намуунцэцэг эхний тойрог Туркийн Эвин Демирантай барилдаж байна.
Дэлхийн өнцөг булан бүрээс ирсэн 600 гаруй тамирчид Риог зорих 48 эрхийн төлөө Буянт-Ухаагийн дэвжээнээ хурд хүчээ сорьсоор байна.
А.САЯН