Монгол улсад анх удаа зохиогдож байгаа олимпийн эрхийн оноо олгох чөлөөт бөхийн “The first last chance” тэмцээн өнөөдөр эрэгтэй чөлөөтийн төрлөөр үргэлжилж байна.
Манай улсаас олимпийн эрхээ аваагүй байгаа ганцхан жин буюу 97 кг жинд ОУХМ Азийн аварга Д.Хүдэрбулга барилдаж байна. Тэрээр сая эхний тойрогтоо Грекийн бөхийг цэвэр яллаа. Одоо тэрээр Унгарын бөхтэй барилдаж байна. Д.Хүдэрбулгын хувьд 2014 онд Казахстаны Астана хотод болсон чөлөөт бөхийн Ази тивийн аварга шалгаруулах тэмцээнээс 97 кг-ын жинд аваргын алтан медалийг хүртэж азийн аварга хэмээх эрхэм хүндтэй цол хүртсэн.
Тэрээр үндэсний шигшээ багийн дасгалжуулагч Б.Баяраагийн шавь бөгөөд “Ганьт” клубд харъяалагддаг.
А. САЯН
