ОУХМ, Азийн аварга Д.Хүдэрбулга дагах барилдаанд БНСУ-ын бөхийг ялснаар хүрэл медалийн болзол хангалаа. Ингэснээр 18:00 цагаас олимпийн эрхийн төлөө Молдавийн бөхтэй барилдахаар болж байна. Хэрвээ энэ барилдаанд хожвол олимпийн эрхээ өвөртөлнө.
Манай эрэгтэй шигшээ баг одоогоор 5 олимпийн эрх авчхаад байгаа юм. Зургаа дахь олимпийн эрх авах үгүй нь хэдхэн минутын дараа шийдэгдэнэ. Харин эмэгтэй шигшээ багийн хувьд олимпийн эрхийн гадна үлдсэн хоёр жин буюу 48кг ОУХМ Ц.Намуунцэцэг, 75 кг жинд О.Бурмаа нар барилдсан боловч энэ тэмцээнээс эрхээ авч чадсангүй. Гэхдээ Ирэх тавдугаар сарын 1,2,3 нд Туркийн нийслэл Истанбул хотноо олимпийн эрх олгох сүүлчийн тэмцээн болно.
C.БАЯНМӨНХ