Буянт-Ухаа спорт ордонд гурван өдрийн турш, таван тивийн 80 гаруй орны 600 гаруй бөхчүүд олимпийн 48 эрхийн төлөө хурд хүчээ сорилоо. Тэмцээн өндөрлөх дөхөж байна. Дөнгөж сая ОУХМ, Ази тивийн аварга Д.Хүдэрбулга олимпийн эрхийн төлөөх хариуцлагатай барилдааныг Молдавын бөхтэй хийж тэмцээний сүүлийн мөчид оноо алдснаар энэ удаагийн тэмцээнээс хүрэл медалийн болзол хангаж байна.
Харин Молдавын бөх Буянт-Ухаагийн дэвжээнээс хүрэл медалийн болзол хангаж, давхар олимпийн эрхээ өвөртөллөө. Жин тус бүрийн эхний гурван байрт олимпийн эрх олгож буй юм.
А. САЯН
