Байер Мюнхен хариу тоглолтондоо шаргуу бэлдэж байна. Багийн ахлагч Ф.Ламм " Бид маш олон осолтой довтолгоог хийсэн. Харамсалтай нь гоолдож чадаагүй. Одоо бидэнд бүтэн 90' байна. Цэнгэлдэх хүрээлэнг дүүргэх хөгжөөн дэмжигчдийн уухай Байер Мюнхенийг зөвхөн урагшаа л довтлохыг шаардана. Бид өөрийн хүссэн үр дүндээ хүрнэ " гэж бодож байна."
"Атлетико Мадридын талбайд тоглох маш хэцүү байдаг. Эхний 15 минутад бид муу тоглосон. Тоглолтын цорын ганц гоолыг тэр мөчид бид алдсан. Хариу тоглолтод ялалт байгуулна гэдэгтээ итгэлтэй байна. Бид , баварчууд ялалтын төлөө тэмцэлдэх болно" гэж Байер Мюнхений төвийн хагас хамгаалагч Шави Алонсо германы хэвлэлд ярилцлага өглөө.
"Гайхалтай, тэгээд үзүүштэй тоглолт хүлээж байна. Бид финалд шалгарахын тулд юу чаддагаа үзүүлэх болно. Атлетико Мадрид бол чадвартай баг. Сүүлийн 4 жилд Атлетико Мадрид Ла лигийн аваргын төлөө өрсөлдсөн. Нэг удаа түрүүлсэн. Аваргуудын лигэд дараалан 3 жил хагас шигшээд шалгарч, нэг удаа финалдсан. Тэд аваргуудын лигийн цомыг өргөх хүслээ дарж чадахгүй байгаа. Тэд бол тал бүрийн тоглолт үзүүлдэг, нягт хамгаалалттай, хурц довтолгоонтой баг" гэж эхний тоглолтын өмнө Байер Мюнхений дасгалжуулагч Гвардиолла өрсөлдөгчөө үнэлсэн байдаг.
1:0 харьцаагаар хожигдсоны дараа , "Бид хожигдлоо. Гэхдээ ялагдаагүй. Бидэнд хариу тоглолт бий. Эхний тоглолт ч манайд ашигтайгаар өнгөрөх боломжтой байсан. Бид илүү довтолсон" гэж тоглолтоо дүгнэж, хариу тоглолтод ялна гэдэг итгэлтэй байгаагаа илэрхийллээ.
Э.ЦЭНД
