Ираны Тегеран хотноо болж буй диф буюу сонсголгүй иргэдийн сонгомол болон чөлөөт бөхийн ДАШТ-ий өсвөр үеийн 54 кг-д зодоглосон Намдагдоржийн Эрхэмбаяр алтан медаль хүртлээ.
Тэрбээр эхний тойрогтоо Казахстаны Ершатиг Жанабил, улмаар Туркийн Серхан Долекийг цэвэр ялснаар хүрэл медалийн болзол хангажээ. Хагас шигшээд Андрей Ивановыг цэвэр ялж шигшээд шалгарснаар тэмцээнийг зохион байгуулагч орны бөх Ираны Нассер Каримиг ялж дэлхийн аварга болсон байна.
Н.Эрхэмбаяр 2015 оны өсвөрийн улсын аваргаас мөнгөн медаль хүртэж, гавъяат тамирчин М.Хойлогдоржийн нэрэмжит Өвөрхангай аймгийн чөлөөт бөхийн өсвөр үеийн тэмцээнд түрүүлж байсан юм. Тэрбээр Өвөрхангай аймгийн БТСГ, "Их Монголын хүчтэн "дэвжээнд харьяалагдаж, Э.Баттүшиг дасгалжуулагчийн удирдлага дор хичээллэдэг.
А.САЯН