Холимог тулааны “Legend FC”, “One Championship” холбооны дэлхийн аварга асан, Монгол Улсын гавьяат тамирчин тулааны урлагийн мастер Ж.Нарантунгалаг чансаа ахиулах тулаанаа Японы тулаанч Котэцү Бокутай хийж, илт давуу байдлаар ялалтын эзэн боллоо. “No Face” хочит Котэцү Боку 2004 онд манай тамирчныг ялж байсан бөгөөд нийт 36 удаа тулаан хийхдээ 24 ялж, 10 удаа ялагдаж, хоёр удаа цуцалж байсан, хүчтэй өрсөлдөгч юм. Гавьяат тамирчин Ж.Нарантулгалагийн хувьд энэ тулаанд ялснаар аваргын бүсээ эргүүлэн авахын төлөө М.Гафуровтой тулалдах магадлал өндөр байна.
А.САЯН