Азербайжаны нийслэл Баку хотноо Олимпийн эрх олгох жүдо бөхийн "Их дуулга" тэмцээн хоёр дахь өдрөө үргэлжилж байна. Тэмцээний эхний өдөр буюу өчигдөр эрэгтэйчүүдийн 60 кг-д дэлхийн аварга, гавъяат тамирчин Г.Болдбаатар, ДАШТ-ний мөнгөн медальт Д.Амартүвшин, эмэгтэйчүүдийн 52 кг-д М.Бундмаа, А.Цолмон нар барилдсанаас 60 кг-ын жинд барилдсан МУГТ 2014 оны дэлхийн аварга Г.Болдбаатар аваргын төлөө өсвөр үе, залуучуудын ДАШТ-ний аварга Японы Рюүжү Нагаямаг ялснаар 60 кг-ийн дэлхийн чансааг 2151 оноогоор тэргүүлж эхэллээ.
Харин эмэгтэйчүүдийн 52 кг-д гавъяат тамирчин М.Бундмаа хүрэл медалийн төлөөх барилдаанд Бразилын Э.Мирандаг вазари үнэлгээгээр ялснаар Бакугийн дэвжээнээс хүрэл медаль хүртэв. Эрэгтэйчүүдийн 60 кг-д ДАШТ-ний мөнгөн медальт, гавъяат тамирчин Д.Амартүвшин хүрэл медалийн төлөөх барилдаанд Их Британийн бөх Мкензийд торгуулиар дийлдэн, V байрт шалгарлаа. Бакугийн “Их дуулга”-ын хоёр дахь өдрийн барилдааныг эндээс шууд хүлээн авч үзнэ үү. https://www.youtube.com/watch?v=nCuC-kWIkJc