Монголын марафоны баг тамирчид БНХАУ-д болсон тэмцээнүүдэд амжилттай оролцлоо. Өнгөрөгч амралтын өдрүүдэд “Wugang 2016” тэмцээний хагас марафон буюу 21 км-ын эмэгтэйчүүдийн ангилалд Үндэсний шигшээ баг, “Алдар” спорт хорооны тамирчин ОУХМ Б.Мөнхзаяа алтан медаль, эрэгтэйчүүдийн ангилалд “Хилчин” спорт хорооны тамирчин ОУХМ Д.Гантулга хүрэл медаль хүртэв. Б.Мөнхзаяагийн зайд Этиопийн тамирчид мөнгө, хүрэл медалийг хүртжээ.
Мөн Хөх хотод болсон хагас марафонд эмэгтэйчүүдийн ангилалд ОУХМ Л.Отгонбаяр мөнгөн медаль, н.Суврагасайхан IV, н.Бадамхатан VII байрыг эзлэв. Эрэгтэйчүүдийн ангилалд Одхүү V, Доржпалам VIII байрт шалгарсан амжилтыг үзүүллээ.
Х.АЯЛГУУ
