Дэлхийн бөхийн нэгдсэн холбоо/UWW/-ноос олимпийн эрх авсан сонгомол, чөлөөт бөхийн тамирчдын нэрсийн жагсаалтыг өөрчилсөн байна. Учир нь Серби, Казахстан зэрэг олимпийн эрх олгосон тэмцээнд оролцсон цөөнгүй тамирчнаас мелдониум хэмээх сэргээш илэрчээ. Тэдгээр тамирчдын дунд манай тамирчин 53 кг-д олимпийн эрх авсан ДАШТ-ий мөнгөн медальт Э.Сумъяа багтсан байна. Тэрээр Казахстаны Астанад болсон олимпийн эрх олгох тэмцээнд түрүүлж Риогийн олимпийн эрхээ өвөртлөөд байсан юм. Тэгвэл түүний эрхийг хүчингүйд тооцож, Энэтхэгийн бөх Б.Кумаритад шилжүүлжээ.
Эх сурвалж: https://unitedworldwrestling.org/article/adjustments-to-olympic-qualifiers-announced
