Жүдо бөхийн олимпийн эрхийн оноо олгох хамгийн сүүлчийн тэмцээн “World Masters-2016” эхэллээ. Тэмцээний эхний өдөр эрэгтэйчүүдийн 60кг, 66кг, эмэгтэйчүүдийн 48кг, 52кг, 57кг-ын жингийн барилдаанууд боллоо. Гавьяат тамирчин Д.Сумъяа /57 кг/ аваргын төлөөх барилдаанд Францын тамирчныг ялж, “Мастерс”-ын аваргаар гурав дахиа тодорлоо.
Эрэгтэйчүүдийн 66 кг-д өрсөлдсөн ОУХМ Д.Төмөрхүлэг мөнгөн медаль хүртлээ. Тэрбээр аваргын төлөө БНСУ-ын бөх Ан Баултай барилдах байсан ч бэртлийн улмаас барилдалгүйгээр ялалтыг өрсөлдөгч бөхдөө өглөө. 60 кг-д Д.Амартүвшин хүрэл медаль, Г.Болдбаатар шагналт байр, эмэгтэйчүүдийн 48кг жинд М.Уранцэцэг шагналт байранд тус тус шалгарлаа.
