Клевеланд Квалерс Торонто Рапторсийг цувралын 6 дахь тоглолтод талбай дээр нь 113-87 харьцаатай буулган авснаар НБА-ийн финалд шалгарлаа. Өнгөрсөн улирлын финалд Голден Стейт Варриорст ялагдаж байсан, квалерсчууд энэ жил даагаа нэхэхээр дахин финалдлаа. Маргааш өрнөд бүсийн цувралын 6 дахь тоглолтод Тандер Варриорсийг хожвол Леброн, Дурант гэсэн супер оддоор удирдуулсан тулааныг харах нь ээ. Харин Варриорсчууд үлдсэн 2 тоглолтод ялалт байгуулвал өнгөрсөн жилийн финал цоо шинээр эргэн ирнэ.
