“Найрсаг Улаанбаатар” хөтөлбөрийн хүрээнд "Улаанбаатар Марафон 2016" олон улсын гүйлтийн тэмцээн болж байна.
Энэхүү гүйлт мэргэжлийн тамирчдын дунд бүтэн болон хагас марафон төрлөөр, сонирхогчдын дунд 10000, 5000, 1500 метр гэсэн гурван ангилалд болж буй юм.
Тэмцээний 42 км-ийн зайн эрэгтэйчүүдийн төрөлд гавьяат тамирчин Б.Сэр-Од түрүүлсэн бол эмэгтэйчүүдийн төрөлд Олон улсын хэмжээний мастер Б.Мөнхзаяа түрүүллээ.
Харин сонирхогчдийн гүйлтийн тэмцээн үргэлжилж байна. Жил ирэх тусам хүрээгээ тэлж байгаа “Улаанбаатар марафон” тэмцээн энэ жил есөн ангилалд шилдгүүдээ тодруулах бөгөөд нийт 23 мянган оролцогч бүртгүүлсэн талаар албаныхан мэдээллээ.
А.ТҮВШИН
