ЭРХ АВСАН СПОРТЫН ТӨРЛҮҮД
Өнөөдрийн байдлаар “Рио-2016” зуны олимпийн XXXI наадамд Үндэсний шигшээ багуудаас :
Буудлагын төрөлд - 3
Чөлөөт бөхийн төрөлд - 6
Байт харвааны төрөлд - 1
Хөнгөн атлетикийн төрөлд - 4 эрхийн болзлыг хангаад байна. Харин Паралимпийн зуны XV наадамд :
Буудлагын төрөлд - 1
Пауэрлифтингийн төрөлд - 1
Байт харвааны төрөлд - 2
Жүдогийн төрөлд - 2
Хөнгөн атлетикийн төрөлд - 1 нийт 7 тамирчны эрх авч оролцохоор байгаа бол
Пара усанд сэлэлтийн төрөлд -1 цагаан хуудсаар паралимпийн наадамд оролцох эрхийн баталгаажилт ирээд байна.
ХҮЛЭЭГДЭЖ БАЙГАА БОЛОН НЭМЭГДЭХ МАГАДЛАЛТАЙ ТӨРЛҮҮД
Жудо бөхийн тамирчдын хувьд олимпийн эрхийн оноо олгох 7-8 тэмцээнд оролцож Олон улсын жудо бөхийн холбооноос эрхийн баталгаажилтыг 2016 оны 05 дугаар сарын сүүлээр албан ёсоор гаргах бол Боксын тамирчдын хувьд эрэгтэй, эмэгтэй баг тус бүр 2 эрхийн тэмцээн, Хүндийн өргөлтийн тамирчдын хувьд 1 эрхийн тэмцээн, Чөлөөт бөхийн тамирчдын хувьд 3 эрхийн тэмцээн, Байт харваа 1-2 эрхийн тэмцээн, Буудлага 1 эрхийн тэмцээн хүлээгдэж байгаа бол Хөнгөн атлетикийн тамирчдын хувьд 3 эрхийн тэмцээнд оролцож эрхийн тоог нэмэгдүүлэх боломж байна. Мөн таеквондогийн төрөлд 1 эрхийн тэмцээнд оролцохоор төлөвлөж байна.
Паралимпийн төрлүүдийн хувьд Байт харвааны төрөлд 1, буудлагын төрөлд 1, хөнгөн атлетикийн төрөлд 1 эрхийн тэмцээнд оролцохоор хүлээгдэж байна.
Энэ бүгдээс харахад Лондон 2012 олимп, паралимпийн үеийнхээс оролцох спортын төрлүүд 1-2 төрлөөр нэмэгдэх, эрх авч оролцох тамирчдын тоо 2-3 хүнээр нэмэгдэхээр байна.
ХЭДЭН МЕДАЛЬ АВЧРАХ ВЭ?
Сүүлийн 2 олимпоос монголын тамирчид медалийг арвин хураасан. Энэ жилийн олимпоос чөлөөтийн С. Батцэцэг, С. Цэрэнчимэд, жудогийн М. Уранцэцэг болон буудлагынхан медалийн тавцанд зогсоно гэж спортын хорхойтнууд хүлээж байна.
Э. ЭНХЖИН
