Дэлхийн топ 50 тоглогчийн 47-г нь цуглуулж чадсан BERLIN OPEN-2016 өндөрлөлөө. Найдлага тавьж байсан эзэн багийн шилдэг тамирчин Тимо Болл, дэлхийд жагсаалтаараа 2-т эрэмблэгдэж буй Украйн гаралтай германы теннисчин Овчаров нар шөвгийн наймд мултарч танхимд цугласан 4700 хөгжөөн дэмжигчийг гомдоолоо. Аваргын төлөө тоглолтонд дэлхийн аварга Ма Лонг, Беларусийн теннисчин 39 настай Владимир Самсоновыг 4:1 харьцаагаар буулгаж, аваргын буухиагаа үргэлжлүүллээ. 25 настай Ма Лонг 31 удаа финалд үлдэж, 21 дэх түрүүгээ авлаа. Одоо түүний өмнө Самсонов л байна. Самсонов нийтдээ 26 түрүү авсан нь теннисний түүхэн дэх дээд рекорд юм. Эмэгтэйчүүдийн ганцаарчилсан төрөлд хятадын Юу Ванг түрүүлж, японы Ичихава удааллаа. Теннисчидийн дараагийн томоохон тэмцээн бол сарын дараа Малайзад болох дэлхийн аварга юм.
Э.ЭНХЖИН