Хүрлийн төлөө эхний тоглолтод ХААН ДААТГАЛ 5:4 ТӨМӨРТ ӨРГӨӨ, Алтын төлөө эхний тоглолтод БЛАСТ 5:4 МОНЛАА багийг эн тэнцүү өрсөлдөөний эцэст яллаа. Эхний тойрогт түрүүлсэн БЛАСТ баг ням гарагт болох хариу тоглолтод ялбал Лигийн аваргын цомыг өргөнө. 2-р тойрогт түрүүлсэн ХААН ДААТГАЛ мөн хожвол хүрэл медаль хүртэнэ. Монголын Үндэсний Телевиз шууд дамжуулах хариу тоглолт нэн өрсөлдөөнтэй болно гэж теннис сонирхогчид хүлээж байна. МОНЛАА, ТӨМӨРТ ӨРГӨӨ багт тоглолтыг эргүүлэх чадвартай теннисчид бас байгаа. Тэмцээний финал маргааш 09.00 цагаас теннисний ОЧ төв клубт эхэлнэ.
Э.ЦЭБЭ