Тайландын Бангкок хотод болж буй чөлөөт бөхийн Ази Тивийн Аварга шалгаруулах тэмцээний эрэгтэйчүүдийн 65 кг жинд манай тамирчин Батчулууны Батмагнай барилдаж хүрэл медаль хүртлээ. Тэрээр эхний тойрогт Киркизстаны бөх Улукман Маматовыг 12-2, дараагийн тойрогт Шриланкын бөх Вээрасингэг 10-0 ялж, 1/4 финалд Ираны бөх Мейсам Насирид 13-2 ялагдсан. Хагас финалд Ираны бөх Японы бөх Масаказү Камойг ялсан учраас манай Батмагнай дагах барилдаанд орох эрхтэй болсон. Дагах барилдаанд Узбекын бөх Маруф Нурилоев 7-6 харьцаатай ялан, хүрэл медалийн төлөө Ираны бөхөд ялагдсан Японы Масаказү Камойг даралтаар цэвэр яллаа.