Зэрэглэлээр нь ангилж багуудыг А,B,C,D,E гэсэн 5 зонд хуваадаг. Зона тус бүр нь аваргын төлөө тоглодог. Зондаа түрүүлсэн нэг л баг дэлхийн зоны аваргын медаль хүртэж, зона ахих эрх авдаг. Монголын эрэгтэй баг Германд болсон дэлхийн аваргаар Е зоны аварга болж, дэлхийн аваргаас зоны анхны медалийг авчирсан түүхтэй. Улсын 4 удаагийн аварга Б.Алтантулга, улсын 3 удаагийн аварга Э.Лхагвасүрэн, дэд мастер Баатарсүрэн нар 1, 2, 3-р ракетаар тоглож, залуу тамирчин Батдэлгэр орлон тоглогчоор явсан. Тэд гайхалтай тоглож, зондаа түрүүлж E зона луу шат ахисан. Тэгвэл энэ жил тоглох 1,2,3-р ракет болох Б.Билигт, Э.Лхагвасүрэн, Я.Бэгз нарын хувийн чансаа оноо урагшилсан тул энэ жил D зоныг алгасаж, анх удаа С зонад хүч үзэх болжээ. Эмэгтэйчүүдийн хувьд мөн өнгөрсөн дэлхийн аваргаар С зонад оролцсон. "Энэ жил эмэгтэй баг амжилтаа ахиулж эхний 60 дотор орох, эрэгтэйчүүдийн хувьд 70 дотор багтах зорилготой Малайз улсыг зорилоо" гэж МШТХ-ны ерөнхий нарийн бичгийн дарга С. Галбадрах CONTROL.MN сайтын сурвалжлагчид хариуллаа. Монголын баг тамирчид өнөөдөр Малайзыг зорьсон байна.
