АНУ-ын оролцохгүй юм байхгүй болжээ. Олон улсын хөлбөмбөгийн холбоог бужигнуулж, өөрийнхөө төлөөний хүнийг удирдлагаар нь тавих зорилго нь бүтэлгүйджээ. Жанни Инфантино, Шэйх Салман, хан хүү Али, Жером Шампань, Токио Сексвалэ нарын 5 хүн нэр дэвшиж, Өмнөд Африкийн улс төрч Токио Сексвале нэрээ татсан. Санал хураалтаар, Жанни Инфантино -88, Салман- 85, Али- 27, Жером Шампань -7 санал авсан байна. 50 болон түүнээс дээш санал авч ерөнхийлөгчид сонгогдох журамтай тул дахин санал хураалт явуулав. Жанни- 115, Салман- 88, Али -4 , Жером -0 санал авснаар, 45 настай швейцарь эр Олон улсын хөлбөмбөгийн холбооны 9 дэх ерөнхийлөгчөөр сонгогдлоо. Түүний төлөө европ тэр чигтээ, төв америк бүхэлдээ, дээр нь африк тивийнхний санал нэмэгджээ. Жанни 2000 оноос УЕФА-д ажиллаж эхэлсэн, 2009 оноос хойш Платинигийн баруун гар буюу, ерөнхий нарийн бичгийн даргаар ажиллаж байгаа нэр хүндтэй зүтгэлтэн. Платини, Блаттер нарын дэмжлэг түүний ялалтад нөлөөлсөн гэж төлөөлөгчид үзэж байна. Жанни шинэ үүрэгт ажлаа 2018 оны хөлбөмбөгийн дэлхийн аваргын бэлтгэл ажилтай танилцахаас эхлэнэ гэдгээ мэдэгдэв.
Э. ЦЭБЭ
