"С" зонын 24 багаас "Б" зона руу дэвших 12, "Д" зона руу унаж ухрах 12 багийн тоглолт өнөөдөр эхэллээ. Анх удаа "С" зонад хүч үзэж буй монголын эрэгтэй баг "Д" руу унах эсэхээ үзэх 12-д багтсан тухай өмнө нь CONTROL.MN мэдээлж байсан. Тэгвэл торгуулийн анхны тоглолтоор Гватемалын багийг 3:0-ээр буулган авч маш чухал ялалт байгууллаа. Лхагвасүрэн, Бэгз, Билэгт нар өрсөлдөгчдөө буулган авч, доош унах, зона ухрах аюулаас мултарлаа. Өнөөдөр байраа урагшлуулах тоглолтоо Эстонийн багтай 19.00 цагаас хийнэ. Эрэгтэй баг ямар ч гэсэн өөрийн амжилтаа бататгаж, байраа урагшлуулах боломжтой боллоо. Эмэгтэй багийн хувьд Финландын багт 3:2-оор маш харамсалтай хожигдлоо. Орой Этиопийн багтай эцсийн шийдвэрлэх тоглолт хийнэ. Аль алинд нь үлдэх, урагшлуулах бүрэн боломж бий гэж МШТХ-ны е/н/б-гийн дарга С.Галбадрах үзэж байгаагаа илэрхийллээ. Тоглолт болгоны мэдээллийг тухай бүрт нь хүргэж байх болно. Монголынхоо баг тамирчиддаа амжилт хүсье. Сэтгэлээрээ дэмжие.
/ Эрэгтэй багийн тоглолтын хуваарь /
/ Эмэгтэй багийн тоглолтын хуваарь /
Э.ЦЭБЭ