Эрэгтэй багийн хувьд : ХЯТАД-СОЛОНГОС, ЯПОН-АНГЛИ өнөөдөр тоглоно. Хожсон хоёр нь маргааш аваргын алтан медалийн эзэн хэн болох вэ? гэдгээ үзнэ. Хятадын баг аваргын төлөө тоглох нь тодорхой гэдэгт мэргэжилтнүүд санал нэгдэж байна. Харин Япон, Английн хэн нь Хятадын багтай үзэх вэ? гэдэг нь асуулт хэвээр үлдлээ. Английн хувьд түүхэн амжилтад хүрлээ. Тэд 23 жилийн тэртээ шөвгийн 8-д үлдсэн нь Англичуудын дээд амжилт байжээ. Аваргын төлөө Азийн 2 баг үзэх үү, эсвэл Ази, Европын төлөөлөл үлдэх үү ? гэдэг өнөө орой Англичууд хэрхэн тоглохоос хамаарна. Англичууд шөвгийн наймд, 5 дахь тоглолтынхоо 5 дахь партийг 10:06-аар хожиж байгаад, 10:11 болж баригдаж, дутуу болж байгаад, 13:11-ээр хожсон байна. Францчуудыг баярлуулан гомдоосон тул Францчууд гар барихыг ч хүссэнгүй төдийгүй, бяцхан мөргөлдөөнд хүрэхэд дөхсөн гэж CONTROL.MN-д мэдээллээ. Багууд нэг хоёр онооны зөрүүгээр бие биенээ хожиж байгаа нь багуудын түвшин ойртсоныг илэрхийлэх ажээ. Харин эмэгтэй багийн хувьд ; Хятад-Тайвань (Хятадын) Япон - Хойд Солонгос тоглолтоор эхэлнэ. Хятад аваргын төлөө тоглох нь гарцаагүй. Харин тойргийн тоглолтод Хойд Солонгосыг Японы охидууд хожсон тул Японы багийг аваргын төлөө Хятадын багтай өрсөлдөнө гэж итгэж байна. Гэхдээ бөмбөг бөөрөнхий гэдгийг мартаж болохгүй.
Э.ЦЭБЭ