Ингэж хэлэх үндэслэлийг Дэлхийн аваргын 7 дахь өдрийн тоглолт олголоо.
НЭГ. ЭМЭГТЭЙ : Хятад 3:0 Тайван (хятад) Тайваний эмэгтэй багт ямар ч боломж олгосонгүй. Дин Хинг болон Ли Шау Шу нарын дэлхий, олимпийн аваргаас бүрдсэн Хятадын эмэгтэй баг илүүрхэж хожлоо. Япон 3:0 Хойд Солонгос Фукухара, Ишикава нарын туршлагатай тоглогчтой, 2012 оны мөнгөн медальт Японы баг аваргын төлөө Хятадын багтай нүүр тулна.
ХОЁР. ЭРЭГТЭЙ : Хятад 3:0 Солонгос Дэлхийд 1,2,3-аар эрэмблэглэж буй дэлхий олимпийн аварга Ма Лонг, Жан Жэке, Шу Шин нарын өмнө тэсэж зогсох тамирчид одоохондоо байхгүй гэдгийг батлах шиг болов. Солонгосын теннисчдэд ганц ч хожил өгсөнгүй. Япон 3:1 Англи Баярын нулимс нь хатаагүй Англичуудыг Японы тамирчид туршлага заан буулгаж авлаа. Хэрвээ Жун Мизутанийг 2:0-оор хожиж эхэлсэн эхний тоглолтыг Английн теннисчин хожил болгож чадсан бол тоглолт хаашаа эргэх байсныг хэлэхэд бэрх. 2 хожигдсон Мизутани дараалан 3 хожиж багтаа эхний ялалтыг авчирсан нь алтын төлөө тоглох эрхийг авчрах гол тоглолт боллоо.
Э.ЦЭБЭ
