Хятадын аварга болох нь дэлхийн аварга болохоос хэцүү гэдэг. Дотоодын өрсөлдөөн маш чанга. Тиймээс хэнийг дэлхийн аваргад, хэнийг олимпд оролцуулах нь дасгалжуулагчдын хувьд ямагт асуудал болдог байна. Хятадаасаа л гарсан бол тэдэнд өрсөлдөгч байхгүй. Үүнийг Малайзад болсон багийн дэлхийн аварга баталлаа. Хятадын баг нэг ч хожил алдалгүй, нэг ч хожигдолгүй, бүх багаа 3:0 харьцаагаар илүүрхэн ялж дэлхийн аварга боллоо. Хятадын эрэгтэй, эмэгтэй баг хоёулаа 20 дахь түрүүгээ авч, рекордоо ахиуллаа. Олимпод нэг улсаас 2 тамирчин орох тул, ямар ч гэсэн нэг сул медаль тэнд бий. Олимпийн аваргын төлөө бус, тэр илүү медалийг хэн авах вэ? гэдэг л теннисний ертөнцийнхний хувьд сонирхол татна. Дэлхийг теннисээр амьсгалуулсан 8 хоног ийнхүү Хятадын теннисчдийн ялалтаар өндөрлөлөө.
Э.ЦЭБЭ