Хууль сахиулахын их сургуулийн 2017-2018 оны хичээлийн жилд шинээр элсэн суралцагсдын тангараг өргөх ёслолын арга хэмжээ энэ сарын 24-нд Баянзүрх дүүргийн Гүнжийн хоолой дахь сургалт, дадлагын цогцолборт боллоо.
Хууль сахиулах их сургуульд энэ жил нийт 370 гаруй залуус элсэн орсон бөгөөд тэд сарын турш хээрийн бэлтгэлд гарсан юм.
Эдгээр 370 сонсогч нийт 12 салаа болон хуваагдан бэлтгэлд гарсан бөгөөд цэргийн анхан шатны мэдлэг, урлаг, спортын чиглэлээр хэрхэн сурч мэдсэнээ зочид төлөөлөгчид, эцэг, эхчүүддээ тайлагналаа. Хээрийн сургалтын төвд ХСИС-ийн хоёр болон гуравдугаар дамжааны сонсогчдоос сонгон шалгаруулалт хийж цэргийн анхан шатны мэдлэг олгох сургалтыг удирдан явуулсан байна.
Тангарагын үеэр Монгол улсын Ерөнхийлөгчийн нэрэмжит "Марш таkтиk" тусгай бэлтгэлийн тэмцээнд оролцсон бүрэлдэхүүн ар гэрийхэнд хүндэтгэл үзүүлсэн юм.
Энэ үеэр хууль зүйн яамны сайд С.Бямбацогт суралцагчдад баяр хүргэж дурсгалын зураг татуулан сурлагын амжилт хүслээ.
Ийнхүү тэд тангараг өргөснөөр ээж, аавын хүүхдүүд байсан бол цэргийн тангараг өргөснөөр эх орны хүүхдүүд болж, төрийн тусгай албан хаагч, хууль сахиулах ажилтан болох анхны алхмаа хийсэн юм.
Ц.ЧУЛУУНЦЭЦЭГ
