“Оюутолгой”-н хувь нийлүүлэгч “Rio Tinto”-г Жан-Себастьян Жак удирдахаар болжээ. Учир нь 7 жил Гүйцэтгэх ерөнхий захирлын албыг хашсан Сэм Уолш амралтаа авч ирэх 7 дугаар сарын 1-нд ажлаа хүлээлгэж өгөх юм. Түүний албыг авах Жан-Себастьян Жак нь тус группэд Зэс, нүүрсний группийг удирдаж байсан нэгэн юм. Энэхүү албыг аажмаар шилжүүлэх үүднээс Ж.С.Жак компанийн ТУЗ-д нэгдэж, гүйцэтгэх захирлын орлогчоор ажиллах гэнэ. Ж.С.Жак нь “Rio Tinto”-ийн гүйцэтгэх хороонд 3 жил гаруй ажилласан бөгөөд дэлхийн таван тивд таваарын төсөл удирдаж байсан туршлагатай зэс, нүүрсний бизнест маш их туршлага хуримтлуулсан нэгэн гэдгийг эх сурвалж онцолжээ. Энэхүү албыг тэрээр авснаар 800 мянган фунт стерлингийн үндсэн цалин авах бөгөөд 7 дугаар сарын 1-нээс 1.08 сая фунт стерлинг болж өсөх гэнэ. Энэ нь монгол мөнгөөр 3 тэрбум орчим төгрөг юм.
Х. АЯЛГУУ
