“World Supermodel Pageant” буюу Дэлхийн супермодель шалгаруулах тэмцээн Өмнөд Африкийн Блумфонтейн болж, Монгол Улсыг төлөөлөн оролцсон “Шилмэл загвар” агентлагийн загвар өмсөгч Т.Шинэтуяа ялагчийн титэм гардсан байна. Ес дэх удаагийн Дэлхийн супермоделийн тэмцээний 16-19 насны ангилалд ийнхүү Т.Шинэтуяа түрүүлж Нью-Йоркт төвтэй “Trump Models” агентлагтай гэрээ байгуулах онцгой эрхийн эзэн болжээ. Монгол Улсын хувьд анх удаа Дэлхийн супермодель шалгаруулах тэмцээнд оролцож, дэлхийн 40 орноос шилдгийн шилдэг ялагчаар тодорч буй нь энэ юм. Т.Шинэтуяа 16 настай, “Гэгээрэл” дунд сургуулийн сурагч аж. Түүний гэрээ байгуулах эрхийг нь гардсан “Trump Models” агентлагийг тэрбумтан Дональд Трамп 1999 онд үүсгэн байгуулсан бөгөөд Нью-Йоркийн төдийгүй дэлхийн хэмжээний топ агентлагуудын нэг юм.
Х. АЯЛГУУ
