Сүхбаатар дүүргийн Амила цэцэрлэгийн бага бүлгийн багш Г.Анхтуяа 5 сарын 28-нд бага насны хүүхдийг зодсон зөрчил гаргасан байна.Энэ үйлдэл нь хяналтын камерт бичигдсэнээр цэцэрлэгийн удирдлагууд шуурхай хуралдаж Г.Анхтуяаг ажлаас нь чөлөөлжээ. Мөн багшлах эрхийг нь хасуулах саналыг холбогдох газарт хүргүүлж хуулийн байгууллагад шалгуулахаар болсон юм. Зөрчил гаргасан багшийн эл үйлдэлд цэцэрлэгийн захиргаа, ажилтнууд эцэг эхчүүдээс чин сэтгэлийн уучлал хүссэнээ фэйсбүүкээр мэдэгдсэн байна. Ийнхүү зөрчил гаргасан бол уучлалт гуйдаг соёлыг нэвтрүүлж буй анхны цэцэрлэг Амила юм.
Түүнчлэн тус цэцэрлэг нь 2018-2019 оны хичээлийн жилд бүрэн камерийн хяналттай болж оператор бүх салбар нэгжийн өдөр тутмын үйл ажиллагаанд хяналт тавин ажиллахаа мэдэгдлээ.
Б.ХУЛАН