БСШУЯ, “Праксис” ХХК, “Go” Олон улсын боловсролын төлөөлөгчийн газар хамтран “Гадаадын боловсрол” олон улсын үзэсгэлэнг энэ сарын 15-16-нд “Bluy sky” цамхгийн нэг давхарт 10:00-17:00 цагийн хооронд зохион байгуулахаар болжээ. Үзэсгэлэнд гадаадын 30 гаруй их дээд сургуулийн төлөөлөгчийн газар оролцох аж.
Үзэсгэлэнгийн үеэр оюутнуудыг тэтгэлгээр суралцуулах тухай АНУ, Франц, Канад улсын элчин сайдын яам албан ёсны мэдээлэл өгч БСШУЯ-наас Монгол Улсад олгож байгаа бүх төрлийн тэтгэлэгт хөтөлбөрийн талаар танилцуулах юм байна.
А.САЯН
