Элсэлтийн ерөнхий шалгалтын бүртгэл энэ сарын 25-ны орой 18:00 цагт дуусна. Бүртгэл одоогоор 80 хувьтай үргэлжилж байгаа аж. Албаныхан ЭЕШ-ын хугацаа, цагийг сунгахгүй, нэмэлт бүртгэл хийхгүй учраас товлосон хугацаандаа амжиж бүртгүүлэхийг сануулж буй юм.
Харин ЭЕШ-ыг зургадугаар сарын 15-19-ний хооронд зохион байгуулахаар тов гарсан. Тиймээс шалгалтад орохдоо ямар бичиг баримт бүрдүүлсэн байх ёстой талаар мэдээлэл хүргэе.
Энэ онд төгссөн шалгуулагчид ЭЕШ-ын дүнгийн бүртгэлийн хуудсаа өөрийн төгссөн сургуулийн захиргаанаас томилогдсон багш, ажилтнаас хүлээн авах бол хөдөө орон нутгийн нийт шалгуулагчид аймгийн Боловсрол соёлын газрын ЭЕШ хариуцсан ажилтнаас авах юм байна. Мөн Улаанбаатар хотод шалгалт өгсөн өмнөх онд төгссөн шалгуулагчид ЭЕШ-ын дүнгийн батламж хуудсаа БҮТ-ийн олон нийттэй харилцах ажилтнаас хүлээн авах ажээ.
Бүрэн дунд боловсролын үнэмлэх, түүнээс дээш боловсролын баримт бичигтэй байна.
Гэхдээ цахим үнэмлэх авах насанд хүрээгүй буюу 2015 оны зургадугаар сарын 1-нээс хойш 16 насанд хүрэх шалгуулагчид сурч буй сургуулийн захирал эсвэл өөрийн оршин сууж буй орон нутгийн Засаг даргын гарын үсэг, тамгаар баталгаажуулсан, сүүлийн гурван сарын дотор авахуулсан өнгөт цээж зурагтай лавлагааг төрсний гэрчилгээний хамт шалгалтад авч ирнэ.
Шалгуулагчид шалгалт өгөх байр, анги, танхим, суудлын хуваарийг өөрийн бүртгэлийн дугаар болон нууц үгийг ашиглан тавдугаар сарын 15-наас хойш www.eec.mn цахим хаягаар хүлээн авах нь ээ.
А.САЯН
