МУИС-ийн 2016-2017 оны хичээлийн жилийн бакалаврын элсэлтийн онлайн бүртгэл өчигдрөөс эхэллээ.
Элсэлт орон даяар зургадугаар сарын 30-ны өдөр хүртэл үргэлжлэх бөгөөд бүртгүүлэхдээ Боловсролын үнэлгээний төвийн системд ханддаг бүртгэлийн дугаар, нууц үгээрээ нэвтэрч бүртгүүлэх аж. Ингэхдээ оюутан хөтөлбөрт бус элсэхийг хүссэн бүрэлдэхүүн сургуулиас сонголт хийж өөрөөр хэлбэл тухайн бүрэлдэхүүн сургуульд элсэх хүсэлтээ гаргана гэсэн үг юм.
ЭЕШ-ын дүн гармагц тухайн элсэхийг хүссэн бүрэлдэхүүн сургуулийн онооны жагсаалтад хамгийн өндөр хувилбараар жагсааж байр эзлүүлэх ажээ. Шинээр элсэгчид суурь хичээлүүдээ үзэж дууссаны дараагаар мэргэжлээ сонгох юм байна. Бүртгэлийн хураамж 15000 төгрөг байх бөгөөд буцаан олгохгүй олгохгүй гэнэ. Харин БСШУЯ-наас тогтоосон улсын болон олон улсын олимпиадад амжилттай оролцсон, ЭЕШ-ын босго оноог хангасан төгсөгчдийг шууд элсүүлэхээр болжээ.
Онлайн бүртгүүлэх сайт
А.САЯН