Элсэлтийн ерөнхий шалгалт энэ сарын 15-нд Монгол хэл, бичгийн шалгалтаар эхэлж 6-р сарын 19-нд өндөрлөсөн. Харин шалгалтын дүн, онооны жагсаалтыг долдугаар сарын 1-ний өдөр буюу энэ баасан гарагийн 09:00 цагаас өмнө www.eec.mn сайтад байршуулан нийтэд зарлана.
Их, дээд сургуульд элсэгчид монгол хэл, бичгийн шалгалтыг зайлшгүй өгсөн байх бөгөөд 400 буюу түүнээс дээш оноо авч байж оюутан болох эрх нь нээгдэх юм. Харин сургуулиудын босго оноо 400-650 –ын хооронд байгаа аж. Тухайлбал МУИС 560, МУБИС 400-600, ШУТИС 450-560, ХААИС 500-600, АШУҮИС 560, ХИС 400-560, СУИС 400-420, СЭЗДС 620, ХСИС 400, БХИС 500-600 гэх мэтчилэн босго оноогоо тогтоожээ.
Их, дээд сургуулиуд элсэгчдээ цахимаар бүртгээд эхэлчихсэн. МУИС, МУБИС, ШУТИС гэх мэт төрийн өмчийн томоохон сургуулиудын онлайн бүртгэл энэ сарын сүүлчээр өндөрлөх бөгөөд харин магадлан итгэмжлэгдсэн, их, дээд сургуулиудын бүртгэл долдугаар сарын 1-ээс эхэлж баяр наадмын өмнө өндөрлөх юм байна.
А.САЯН
