Хүүхэд харах үйлчилгээний тухай хууль энэ оны 1-р сарын 1-нээс эхлэн хэрэгжиж эхлэхтэй холбогдуулан Сэлэнгэ аймгийн хэмжээнд бэлтгэл ажлууд хангагдаад байна. Тус аймгийн хэмжээнд төрийн 32, хувийн хэвшлийн 3, сувилалын 1 нийт 36 цэцэрлэгт 7394 хүүхэд хамрагддаг нь сургуулийн өмнөх боловсролын хамран сургалт 91,8 хувьтай байгаа. Гэсэн хэдий ч цэцэрлэгт хамрагдаж чадахгүй байгаа 1482 хүүхэд байдаг. Аймгийн хэмжээнд Хүүхэд харах үйлчилгээг эрхлэх хүсэлт гаргасан 154 иргэн хүүхэд харах үйлчилгээнд хамрагдах шаардлагатай 1147 хүүхэд бүртгэгдсэн байна. Үүнээс Цагааннуур суманд 297 хүүхэд хамрагдахаар бүртгүүлсэн нь хамгийн их хүүхэд ажээ.
Бэлтгэсэн : Л. Гантуяа
