Боловсрол, соёл, шинжлэх ухааны яам, Багшийн мэргэжил дээшлүүлэх институт хамтарч БАГШЛАХ ЭРХ олгох шалгалтыгн бүртгэлийг онлайнаар явуулсан бөгөөд шинээр сургууль төгссөн ерөнхий боловсролын сургууль, цэцэрлэгийн багш нар энэ шалгалтад хамрагдах юм байна.
Сарын хугацаанд 1500 гаруй багш бүртгүүлжээ. Бага, дунд боловсролын байгууллагад эхний нэг жил ажиллах эрх олгох шалгалтад өнгөрсөн хоёрдугаар сарын 10-наас эхлэн сарын хугацаанд үргэлжилсэн бүртгэл өнөөдөр дуусаж байна.
Шалгалт энэ сарын 26-нд эхлэх бөгөөд нийслэлийн есөн дүүрэг, 21 аймагт шалгалтын комисс ажиллах юм байна.
Энэ шалгалтыг сургуулийн өмнөх болон ерөнхий боловсролын сургуульд эхний нэг жил ажиллахаар бэлтгэгдсэн оюутнуудаас гадна гурваас дээш жил багшийн ажил хийгээгүй завсардсан хүмүүс өгөх боломжтой юм байна.
Энэхүү шалгалтыг 3 болон 8 сард жилд 2 удаа авдаг. Хэрэв 2 шалгалтанд хоёуланд нь тэнцээгүй бол нэг удаа өнжинө. Анх удаа өгөх бол ирэх 8-р сард өгөх боломжтой.
А.ЦЭРЭНДУЛАМ